Qyzylordada ottegi stantsııasy ashyldy
QYZYLORDA. QazAqparat - Qyzylorda oblysy Qazaly aýdany aýrýhanasynda zamanaýı qural-jabdyqtarmen jabdyqtalǵan ottegi stantsııasy ashyldy, dep habarlaıdy QazAqparat tilshisi.
Atalǵan sharaǵa aýdan ákimi Murat Ergeshbaev pen oblystyq densaýlyq saqtaý basqarmasynyń basshysy Sábıtbek Pazylov arnaıy kelip qatysty.
«Bul stantsııa Qazaly aýdanynan bólek, kórshiles Aral, Qarmaqshy aýdany jáne Baıqońyr qalasy emdeý oryndaryn ottegi jabdyqtarymen qamtamasyz etedi.
Óz kezeginde oblystyq densaýlyq saqtaý basqarmasynyń basshysy Sábıtbek Pazylov dárigerler qoldaý kórsetken aazamattarǵa alǵysyn aıtyp, rızashylyǵyn bildirdi.
Mamandardyń aıtýynsha, stantsııada tehnıka qaýipsizdigi tolyq eskerilip, avtomattandyrylǵan zamanaýı qurylǵy boıynsha daıyndalady. Ottegi stantsııasy saǵatyna 40 tekshe metr ottegi shyǵarady. Shamamen saǵatyna 6, táýligine 120 ballon óndiredi. Otteginiń tazalyǵy - 99.5%. Ol medıtsınalyq talapqa tolyq saı keledi.
Aıta keterligi, Qyzylorda qalasynda 200 adamǵa arnalǵan modýldik juqpaly aýrýlar aýrýhanasynyń qurylysy júrgizilýde. Kópbeıindi oblystyq aýrýhanada jáne Qazaly aýdanaralyq aýrýhanasynda demeýshiler esebinen ottegi stantsııasy salynýda.
Esterińizge sala ketelik, Qyzylorda oblysynda 26 jeltoqsannan bastap birqatar shekteý engiziledi.
