Qyzylordada ótken aptada bir júrgizýshi qaza taýyp, 5 adam dene jaraqatyn aldy
QYZYLORDA. Shildeniń 27-si. QazAqparat /Rýslan Igilik/ - Qyzylorda qalasynda 1976 jyly týǵan azamat óziniń jeke «GAZel» avtokóligin aıdap kele jatyp bir baǵyttaǵy «Kamaz» avtokóliginiń tirkemesine soqtyqqan. Nátıjesinde «GAZel» júrgizýshisi oqıǵa bolǵan jerde qaıtys bolǵan.
Qalanyń kelesi turǵyny óziniń jeke «VAZ-2109» avtokóligimen toǵyz jastaǵy balany qaǵyp ketken. Nátıjesinde jaıaý júrginshi jasóspirim ártúrli dene jaraqatyn alyp, oblystyq medıtsına ortalyǵynyń jansaqtaý bólimine jatqyzyldy.
Oblys joldarynda apta kóleminde 4 jol-kólik oqıǵasy oryn alyp, 1 adam qaıtys boldy, 5 adam ártúrli dene jaraqatyna ushyrady.
