Qyzylordada otbasylyq demalysqa barǵan áıel kólge batyp ketti
QYZYLORDA. QazAqparat - Qyzylorda oblysynda otbasylyq demalysqa barǵan áıel kólge sýǵa batyp ketti, dep habarlaıdy QazAqparat tilshisi.
Oqıǵa Syrdarııa aýdanyna qarasty Qoǵalykól aýylynda bolǵan.
Eldi meken janyndaǵy Yzakól aýmaǵyna 50 jastaǵy áıel otbasylyq demalysqa barǵan.
«Bul jónindegi habarlama № 12 órt sóndirý bóliminiń baılanys nómirine tústi. Onda kólge sýǵa shomylmaq bolǵan áıel kólge batyp ketip, kóz jumǵany aıtylǵan. Onyń denesin turǵyndar shyǵaryp alǵan», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Eske sala keteıik, budan buryn Qyzylordada 14 jastaǵy jasóspirim kanalǵa batyp ketken edi.
Qyzylorda qalasyna qarasty Tasbóget kentinde turatyn 2007 jyly dúnıege kelgen jasóspirim arnaıy belgilenbegen orynda sýǵa túsip, kóz jumǵan.
