Qyzylordada ósetin «Úndi qarasorasymen» kúreske depýtattar kiristi
ASTANA. QazAqparat - Parlament Senatynyń jalpy otyrysynda depýtat Vladımır Volkov Qyzylorda oblysynda qarasoranyń taralýyna qatysty máseleni kóterdi. Osy oraıda bir top senator QR Іshki ister mınıstri Qalmuhanbet Qasymovtyń atyna depýtattyq saýal joldady, dep habarlaıdy QazAqparat tilshisi.
«Qyzylorda oblysynyń klımattyq jaǵdaıy «Úndi qarasorasyn» ósirýge qolaıly. Іshki ister mınıstrliginen alynǵan aqparatqa qaraǵanda, esirtkilik quramy boıynsha úndistandyq qarasora Shýdaǵy jabaıy qarasoradan bes ese asyp túsedi», - dep toqtaldy depýtat.
Onyń sózine qaraǵanda, tek 2017 jyly Qyzylorda oblysynda esirtki qylmysyna qatysty 475 fakti anyqtaldy, bul kórsetkish 2016 jylmen salystyrǵanda, 120-ǵa artyq. Al 2012-2017 jyldar aralyǵynda Qyzylorda oblysynda anyqtalǵan esirtki plantatsııalary 84-ke deıin ósti.
«Statıstıkaǵa súıensek, tyıym salynǵan esirtkilik ósimdikterdi zańsyz ósirgeni úshin sottalǵandardyń sany 2016-2017 jyldarda jáne bıylǵy úsh aıda 342-ge jetti. Onyń ishinde Ońtústik Qazaqstan oblysynda - 162, Qyzylorda oblysynda - 104. Esirtkilik zattardyń taralýy men onyń saldary halyqtyń densaýlyǵyna eleýli túrde qater týdyrady. Osyǵan baılanysty qalyptasqan jaǵdaıdy erekshe baqylaýǵa alýdy suraımyz», - dedi Volkov.
