Qyzylordada órtengen júk kóliginde bir adam kóz jumdy
QYZYLORDA. QazAqparat - Qyzylorda oblysynda eki júk kóligi soqtyǵysýynan órt shyǵyp, bir adam qaza boldy, dep habarlaıdy QazAqparat tilshisi.
Oqıǵa Shymkent-Samara» tas jolynyń Aral aýdany aýmaǵyndaǵy 1260 shaqyrymynda boldy. Jol boıynda Ózbekstannan Latvııaǵa baǵyt alǵan júk avtokóligi qarama-qarsy baǵytta Aqtóbe oblysynan kele jatqan ekinshi júk avtokóligimen soqtyǵysqan. Sonyń saldarynan eki avtokólikten órt shyqqan.
«Jol-kólik oqıǵasynan Aqtóbeden kele jatqan júk kóliginiń júrgizýshisi órt bolǵan avtokólik ishinen shyǵa almaı, oqıǵa ornynda qaıtys boldy. Jol - kólik oqıǵasynyń sebep-saldaryn anyqtaý maqsatynda tıisti saraptamalar taǵaıyndaldy. QR Qylmystyq kodeksiniń 345-babynyń 3-bóligi boıynsha sotqa deıingi tergeý bastaldy. Oqıǵanyń mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmetinen.
Budan buryn Qyzylordadaǵy jol apatynan taǵy eki adam kóz jumdy.
