Qyzylordada órtengen jeke úıde bir jastaǵy sábı kóz jumdy
QYZYLORDA. QazAqparat - Qyzylorda qalasynda jeke úı órtenip, bir jastaǵy sábı kóz jumdy, dep habarlaıdy QazAqparat tilshisi.
Oqıǵa búgin, 18 aqpanda saǵat 00.50 shamasynda boldy. Oblys ortalyǵyndaǵy Kyzyljarma shaǵyn aýdany aýmaǵynda turǵyn úıde órt shyqqan.
«Órt ornyna oblystyq tótenshe jaǵdaılar departamentinen 4 tehnıkamen 16 qyzmetker bardy. Jalynǵa oranǵan úı ishinen áıel men tórt qyzy shyǵyp úlgergen. Jalyn 01.23-te tolyǵymen sóndirildi. Úıden 2019 jyly dúnıege kelgen sharananyń máıiti tabyldy. Órttiń shyǵý sebebi tekserilip jatyr», - dep málimdedi Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetinen.
Esterińizge sala ketelik, budan buryn Qyzylordada shaǵyn avtobýs órtenip ketti.
