Qyzylordada órtengen úıdiń turǵyndary eki kún ishinde baspanaly boldy
Esterińizge sala ketelik, budan buryn Tómenaryq eldi mekeninde keshe keshkisin turǵyn úı tolyqtaı janyp ketkenin habarlaǵan edik.
Órttiń shyǵýyna elektr júıesiniń tuıyqtalýy áser etken. Aýdandyq órt sóndirýshiler tilsiz jaýdy aýyzdyqtaǵanymen, turǵyn úı jaramsyz bolyp qalǵan. Jalynǵan oranǵan úıde barlyq múlik pen qujattar janyp ketken.
«Sol úıdiń turǵyny Myrzabek Jıenbaevtyń synyptas dostary jáne aýyldastary eki kúnniń ishinde alys-jaqyndaǵy aǵaıynnan 4 mln. teńgeden asa qarjy jınap úlgerdi. Jınalǵan qarjyǵa eldi mekennen basqa jańa úı satyp alyndy. Qarjynyń qalǵany otbasynyń ózge qajettiligine jaratylatyn boldy. Bul ıgilikti iske aýyl ákimi Nurken Qoshqarbekov, aýdandyq máslıhat depýtaty Narymbet Kóljanov jáne ózge de belsendi azamattar uıytqy boldy», - dedi aýyl turǵyny, jergilikti jýrnalıst Nurlat Baıgenje.