Qyzylordada órtengen páterden bir adam qutqaryldy

QYZYLORDA. QazAqparat - Qyzylordada úsh qabatty turǵyn úıdegi páterdiń birinen shyqty. Qoıý tútin arasynan es-tússiz jatqan 53 jastaǵy adam qutqaryldy, dep habarlaıdy QazAqparat tilshisi.

Páter ıesi kómirqyshqyl gazyna ýlanyp qalǵan. Ol oblystyq medıtsına ortalyǵyna jatqyzyldy.

«Órttiń shyǵyny men shyǵý sebebi anyqtalýda. Órttiń qujattary Qyzylorda qalalyq polıtsııa basqarmasyna protsessýaldy sheshim qabyldaýǵa joldandy. Jyl basynan beri 34 órt oqıǵasy oryn alyp, bir adam qaza tapty», - dedi oblystyq Tótenshe jaǵdaılar departamenti jedel basqarý ortalyǵy bastyǵynyń mindetin atqarýshy Nurbol Isanov.

Buǵan deıin Qyzylordada kóp qabatty úıdegi órtten 47 adam evakýatsııalanǵan bolatyn.