Qyzylordada Ortalyq zırattyń 2 gektar aýmaǵy órtenip ketti

QYZYLORDA. QazAqparat - Búgin Qyzylorda qalasynda «Ortalyq qazaq beıiti» aýmaǵynan órt shyqty, dep habarlaıdy QazAqparat tilshisi.

Órt búgin 12.30 shamasynda tutanǵan. Oblys ortalyǵyndaǵy A.Toqmaǵanbetov kóshesiniń boıynda ornalasqan «Ortalyq qazaq beıiti» aýmaǵynda 2 gektarǵa jýyq qýraǵan shóp janǵan.

«Órt 15.24-te tolyq sóndirildi. Oǵan oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń 25 órt sóndirýshisi jáne 7 tehnıkasy tartyldy. Órttiń shyǵý sebebi men shyǵyny anyqtalýda. Zardap shekkender joq», - dedi órt sóndirý kezekshi qyzmetiniń jedel kezekshisi Bekzat Makýlov.

Oqıǵa ornynda Qyzylorda qalalyq Polıtsııa basqarmasy, Qyzylorda oblysy Jumyldyrý daıyndyǵy basqarmasy, jedel járdem brıgadasy, «Qyzylorda tazalyǵy» JShS mamandary jumys istedi.