Qyzylordada Ortalyq kommýnıkatsııalar qyzmetiniń fılıaly jumysyn bastady
QYZYLORDA. QazAqparat - Búgin oblys ákimdiginde QR Prezıdenti janyndaǵy Ortalyq kommýnıkatsııalar qyzmetiniń Qyzylorda oblystyq fılıaly ashyldy. Ortalyqta oblys ákiminń orynbasary Nurjan Álibaevtyń jáne «QIK» IU» AQ tóraǵasynyń orynbasary Aısultan Akchýrınniń qatysýymen óńirdegi turǵyn úı qurylysynyń qarqyny taqyrybynda baspasóz máslıhaty ótti.
Oblys ákiminiń orynbasary Nurjan Álibaev 2020 jylǵa deıingi baǵdarlama aýqymynda atqarylyp jatqan jumystarǵa baılanysty habarlama jasady.
Turǵyn úı qurylysy men onyń ınjenerlik-kommýnıkatsııalyq ınfraqurylymyn damytý baǵyty boıynsha ár túrli qarjylandyrý kózderinen barlyǵy 4 381,8 mln. teńge qarjy bólingen. Bul ótken jylmen salystyrǵanda eki esege kem. Alaıda oblysqa Elbasynyń «Nurly jol» ınfraqurylymdyq damý baǵdarlamasy aıasynda Qyzylorda qalasyna 13,0 mlrd. teńge qarjy ınvestıtsııa tartý arqyly turǵyn úı qurylysynyń orny tolmaq. Bul qarjyǵa «Qazaqstannyń ıpotekalyq kompanııasy» ıpotekalyq uıymy» AQ jelisi boıynsha 78,0 myń sharshy metrdi quraıtyn 22 turǵyn úı jáne «Samuryq Qazyna» jyljymaıtyn múlik qory AQ jelisi arqyly 36,5 myń sharshy metrdi quraıtyn 13 turǵyn úı, barlyǵy 114,5 myń sharshy metrdi quraıtyn 1780 páter, 35 turǵyn úı salynbaq.
Bıylǵy jyly transfertterdi qosa eseptegende respýblıkalyq, oblystyq bıýdjetterden jáne Ulttyq qor esebinen barlyǵy-16,8 mlrd. teńge qarjy qaralyp, aǵymdaǵy jyly 47 nysannyń qurylysy júrgizilýde.
Baspasóz máslıhaty barysynda jergilikti buqaralyq aqparat ókilderinen ózge telejeli arqyly basqa óńirlerden de saýaldar qoıyldy.
