Qyzylordada órt sóndirýshiler úı-kúıi joq 3 adamdy aman alyp qaldy
QYZYLORDA. QazAqparat - Qyzylordada órt sóndirýshiler tórt qabatty úıdiń jertólesindegi órtten úı-kúısiz júrgen 3 adamdy jáne 19 jastaǵy turǵyndy qutqaryp qaldy, dep habarlaıdy QazAqparat tilshisi.
Atalmysh oqıǵa Qyzylorda qalasynyń ortalyq bóliginde oryn tepken Áıteke bı kóshesi boıyndaǵy tórt qabatty úıdiń jertólesinde bolǵan. Órt sóndirýshiler oqıǵa ornyna jyldam jetti. Onda órt sóndirý qyzmetiniń 7 mamany men 2 arnaıy avtokólik jumys istedi.
«Órt sóndirý qyzmetiniń jeke quramy oqıǵa ornynda barlaý jumysyn júrgizdi. Kópqabatty úıdiń astyndaǵy jertóleden úı-kúısiz júrgen 3 adam men 2000 jyly týǵan azamat qutqaryldy», - dep málim etti Qyzylorda oblystyq tótenshe jaǵdaılar departamenti órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.
Órt sóndirýshilerdiń jyldam is-qımylynyń nátıjesinde tórt qabatty turǵyn úıge eshqandaı zalal kelgen joq.
