Qyzylordada órt saldarynan qoradaǵy 16 qoı men 2 jylqy janyp ketti

QYZYLORDA. QazAqparat - Qyzylorda oblysynda mal qoranyń órtenýi saldarynan 16 qoı men 2 jylqy janyp ketti, dep habarlaıdy QazAqparat tilshisi.

Oqıǵa búgin, 10 qyrkúıekte Jańaqorǵan kentindegi A.Asanov kóshesi boıyndaǵy turǵyn úıdiń mal qorasynda bolǵan. Bul jóninde habarlama saǵat 2.18-de tótenshe jaǵdaılar qyzmetine túsken.

«Habarlama boıynsha №14 órt sóndirý bóliminen 1 tehnıka men 4 qyzmetker oqıǵa ornyna bardy. Anyqtalǵany, aýmaǵy 10/20 sharshy metrdi quraıtyn mal qoranyń tóbe jabyny tolyq janǵan. Oǵan qosa ashyq alańda jınalǵan 100 press shóp otqa oranǵan. Mal qora ishinen 2 jylqy men 16 qoıdyń janyp ketken kúıinde tabylǵan», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Vedomstvo málimetinshe, órt 3.15e tolyqtaı sóndirildi.

Eske salsaq, budan buryn Qyzylordada kóp qabatty úıde bolǵan órtten 12 adam qutqaryldy .