Qyzylordada órt bolyp, 25 adam evakýatsııalandy
QYZYLORDA. QazAqparat - Búgin tańerteń 8:23 shamasynda Qyzylordada «101» nómirine Qorqyt ata kóshesi №3 A turǵyn úıdiń 5-qabatyndaǵy balkon janyp jatqany týraly habar kelip tústi.
Habar túsisimen 08 saǵat 30 mınýtta oqıǵa ornyna 2 tehnıkasymen Qyzylorda oblysy TJD «ÓSjAQJQ» MM №1 mamandandyrylǵan órt sóndirý bóliminen jaýyngerlik esep jetti, al 08 saǵat 32 mınýtta arnaıy tehnıkamen №2 órt sóndirý bóliminiń jaýyngerlik esebi keldi.
Turǵyn úıdiń 4 jáne 5-qabattaǵy balkondary janyp jatqandyǵy anyqtalyp, birinshi jáne ekinshi podezden 25 adamdy qaýipsiz orynǵa shyǵaryldy, onyń ishinde 7-eýi bala. 4-qabattaǵy №27 páterdiń esigi jabyq bolǵandyqtan buzyp, ishinen áıeldi syrtqa alyp shyqty. Bul týraly QazAqparat tilshisi oblystyq TJD-ge silteme jasap habarlady.
Jedel is áreket arqasynda órt oqıǵasy barysynda qaza bolǵandar men jaraqat alǵandar joq. 08:39 saǵatta órt tolyǵymen sóndirildi. Órttiń aýqymy 38 sharshy metrdi qurady. Órttiń sebebi anyqtalýda. Turǵyn úı turǵyndary jedel áreket etip, órttiń odan ári órship ketpeýine úles qosqan órt sóndirýshilerge alǵys bildirdi.
