Qyzylordada onkologııalyq bólimshesi bar kópbeıindi aýrýhana salynyp jatyr

ASTANA. QazAqparat – Bıyl Qyzylorda oblysynda memlekettik baǵdarlamalar aıasynda 40-tan astam áleýmettik nysan salynbaq. Bul týraly oblys ákimi Nurlybek Nálibaev ortalyq kommýnıkatsııalar qyzmetinde ótken brıfıngide aıtty, dep habarlaıdy QazAqparat tilshisi.

«Aýylda densaýlyq saqtaýdy jańǵyrtý» ulttyq jobasy aıasynda 2023-2024 jyldary oblysta 27 densaýlyq saqtaý nysany boı kóteredi. Qyzylorda qalasynda bir aýysymda 100 kelýshige arnalǵan emhana men onkologııalyq bólimshesi bar 300 oryndyq kópbeıindi aýrýhananyń qurylysy bastaldy. Jobanyń jalpy quny – 36,4 mlrd teńge», – dedi aımaq basshysy.

Sondaı-aq, oblys ortalyǵynda 200 oryndyq perınataldy ortalyq salynady.

Al «Jaıly mektep» ulttyq jobasy aıasynda aldaǵy 3 jylda quny 100 mlrd teńgeden asatyn 21 mektep boı kótermek.

Bıyl sonyń ishinde 10 mekteptiń qurylysy bastalady.

Bilimdi qoldaý qory» qarajaty esebinen Qyzylorda qalasynda daryndy balalarǵa arnalǵan fızıka-matematıka mektep-ınternaty salynady. Jobanyń jalpy quny – 7,9 mlrd teńge.

«Sol jaǵalaýdaǵy kópsalaly deneshynyqtyrý-saýyqtyrý kesheniniń qurylysyna jergilikti bıýdjet esebinen joba-smetalyq qujattama ázirlendi. Joba quny 6,9 mlrd teńge bolady. Qurylysy bıyl bastalady. Atalǵan tizimge oblys boıynsha 1 775 orynǵa arnalǵan 4 mekteptiń qosymsha qurylysy engizildi. Qurylys jumystary 2023-2024 jyldary aıaqtalady. Aıta keteıik, óńirde ózge de áleýmettik nysandar salynýda. Atap aıtqanda, quny 1,6 mlrd teńge bolatyn «Neke saraıy» tamyz aıynda paıdalanýǵa berilmek. Jalpy quny 3,7 mlrd teńge bolatyn 1000 oryndyq «Óner ortalyǵy» jeltoqsan aıynda, sol jaǵalaýdaǵy quny 2,7 mlrd teńge bolatyn «Qan ortalyǵy» 2024 jyly iske qosylady», - dedi ákim.