Qyzylordada óńirdiń damýyn sıpattaıtyn «Ólketaný» oqýlyǵy ázirlendi
QYZYLORDA. QazAqparat - Qyzylorda oblysynyń qalyptasýy men damýyn keshendi sıpattaıtyn 5-7 synyptarǵa arnalǵan «Ólketaný» oqýlyǵy ázirlendi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Ólketaný» oqýlyǵyn daıyndaýǵa oblystyq bıýdjet esebinen 25 mln teńge qarjy bólindi. Búgingi kúni oqýlyq QR Bilim jáne ǵylym mınıstrliginiń saraptamasynan ótti. Ol 2018-2019 oqý jylynda bilim berý uıymdarynda paıdalanýǵa ruqsat etilgen oqýlyqtar men oqý ádistemelik keshender tizbesine endi.
«Ólketaný» oqýlyǵy 5-6-7 synyptarǵa arnalǵan.
Onda Syr óńiriniń tarıhy, kıeli jerleri jaıly ańyzdar, tarıhı derekter, tarıhı tulǵalar, ulttyq qolóner, týrıstik marshrýttar basqa da qajetti málimetter jınaqtalǵan.
Atalǵan oqýlyq 2018-2019 oqý jylynyń 2-shi jarty jyldyǵynan bastap oqytylady.
Sondaı-aq, aldaǵy ýaqytta Qyzylordada tarıhı jádigerler jınaqtalǵan kitap jaryqqa shyǵady.
