Qyzylordada on jastaǵy er bala sýǵa batyp ketti
QYZYLORDA. QazAqparat - Qyzylordada on jastaǵy er bala kanalǵa sýǵa batyp ketti, dep habarlaıdy QazAqparat tilshisi.
Oqıǵa keshe, 24 mamyrda saǵat 18:12 shamasynda boldy. Oblys ortalyǵyndaǵy S. Asfandııarov kóshesiniń aıaq tusyndaǵy kanalǵa 2011 jyly dúnıege kelgen bala sýǵa batyp ketti.
«Atalǵan aýmaqta sýǵa túsýge ruqsat etilmegen. Balanyń denesin atasy sýdan shyǵaryp alǵan. Oqıǵa ornyna oblystyq órt sóndirý jáne avarııalyq qutqarý jumystary qyzmetiniń 6 qyzmetkeri men 2 tehnıkasy bardy», - dep málim etti atalǵan qyzmettiń baspasóz qyzmetinen.
Eske salsaq, Qyzylorda trassasynda 5 adam mingen kólik kanalǵa qulap ketti.
Bes adam mingen «Skoda» kóligi «Qyzylorda-Jezqazǵan» trassasy boıyndaǵy kanalǵa qulap ketken. Bir adam kóz jumdy.
