Qyzylordada on kúnde 640 adam ekpe saldyrdy

QYZYLORDA. QazAqparat - Qyzylorda oblysynda on kún ishinde 640 adam koronavırýs ınfektsııasynyń vaktsınasyn saldyrdy, dep habarlaıdy QazAqparat tilshisi.

Qyzylorda qalasynda vaktsına egý 1 aqpannan bastaldy. On kún ishinde 640 adam ekpe saldyrdy. Onyń ishinde alǵashqy toǵyz kúnde 580 adam vaktsına saldyrsa, búgin olardyń qataryna taǵy 60 adam qosylǵan. Olardyń 617-i medıtsına qyzmetkerleri bolsa, 23-i ózge salanyń ókilderi.

«Oblys boıynsha medıtsına uıymdarynda 154 ekpe kabıneti bar. Sonyń ishinde koronavırýs ınfektsııasyna qarsy vaktsınalaýǵa 32 ekpe kabıneti men 12 jyljymaly egý brıgada daıyndaldy. Osy kezge deıin vaktsına saldyrǵandar arasynda shaǵym bolǵan joq. Olardyń densaýlyǵy turaqty baqylaýda», - dedi oblystyq densaýlyq saqtaý basqarmasynyń basshysy Sábıt Pazılov.

Koronavırýs ınfektsııasyna qarsy ekpe jumystary qaladaǵy №1, №3, №6 emhanalarda júrgizilip jatyr. Ekpe saldyrǵan azamattar arasynda aýyr túrdegi asqyný tirkelmegen. .

Oblys boıynsha búgingi kúnge deıin koronavırýs ınfektsııasymen 3 666 naýqas tirkelse, sońǵy táýlikte 9 jaǵdaı anyqtalyp otyr. Olardyń 96,5 paıyzy emdelip shyqqan.

Esterińizge sala ketelik, budan buryn Qyzylorda oblysynda tamaqtaný oryndary karantın talaptaryn jıi buzatynyn habarlaǵan edik.