Qyzylordada oqýshylardyń jasyl akademııasy jylyjaı sharýashylyǵymen aınalysady
Oblys ortalyǵyndaǵy aldyńǵy qatarly bilim ordasy - №15 mektep janynda jylyjaı jumys jasaıdy. Onda búginde qyzanaq, qııar ósip tur. Qazirgi kúnderi búldirgen ósimdigin ósirýge nazar aýdarylýda. Keleshekte 30 túrli ósimdik túrin egýge kóńil bólinbek. Jaqynda sol jylyjaıda istelip jatqan ǵylymı-óndiristik jumystardy nasıhattaý maqsatynda sımpozıým ótkizildi. Atalmysh shara Tuńǵysh Prezıdent - Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda qolǵa alyndy.
Sımpozıýmǵa bilim salasynyń, kishi jáne orta bıznes ókilderi, ǵalymdar, ǵylymı joba jetekshileri, zamanaýı ınnovatsııalyq tehnologııalardy ıgerýmen, ózin-ózi jetildirýmen, bilimdiliginiń deńgeıin arttyrýmen aınalysatyn mektep oqýshylary qatysty. Sımpozıýmda mektep dırektory K. Serekeeva qonaqtardy tájirıbe alańymen tanystyrdy. Bıologııa ǵylymdarynyń kandıdaty, professor R. Qurmanbaev «Jasyl akademııa - oqýshylardy ǵylymı izdenýshilikke baýlý múmkindikteri» taqyrybynda tájirıbe almasty.
«Jylyjaıdaǵy ǵylymı-tájirıbelik jumys - elimizdiń ekonomıkasyna jańartylǵan bilim mazmuny negizinde zaman talabyna saı básekege qabiletti túlekterdi daıyndaýǵa baǵyttalǵan úlken keshendi jumys. Jylyjaıdy mektep oqýshylaryna teorııalyq bilimin tájirıbe júzinde qoldanýǵa bos ýaqytynda ósimdikterdi baptaýǵa úırenýge, ǵylymı jobalarmen aınalysyp, pándik olımpıadalarǵa daıyndalýǵa, bıznes bilimin qalyptastyrýǵa mol múmkindik jasaıtyn ǵylymı-tájirıbelik alań. Bul alańda zamanaýı bilim alǵan oqýshylar keleshekte aýyl sharýashylyǵyna mańyzdy gendik ınjenerııa, molekýlalyq bıologııa, selektsııa, taǵy basqa da mamandyqtardyń ıesi bolatynyna senimimiz mol» - dedi Rahat Qurmanbaev.
Respýblıkalyq olımpıadanyń birinshi oryn ıegerleri, Dýbaıda ótken halyqaralyq ǵylymı konferentsııanyń bas júldesin ıelengen jas ǵylymı izdenýshiler Aımereı Baıǵabylova, Dana Aıdarbek: «Jylyjaıdaǵy ǵylymı-eksperımenttik jumystar kóp oqýǵa, kóp izdenýge, qyzyǵýshylyǵymyzdy óristetýge, shydamdylyqqa, bolashaqta mamandyqty tańdaýǵa kóp septigin tıgizedi jáne kóbisi mektebimizde «Іzdenis» jasyl akademııa bar ekendigine tańǵalady», - dedi.