Qyzylordada oqýshylar úziliste asyq oınaıdy
QYZYLORDA. QazAqparat - Qyzylorda mektepterinde oqýshylar úzilis kezinde asyq oınaıtyn boldy. Aldaǵy ýaqytta mektepterde asyq oıyny úıirmesi jumys isteı bastaıdy, dep habarlaıdy QazAqparat tilshisi.
Osyǵan oraı oblys ortalyǵynda oryn tepken №235 Kómekbaı Qarakózov atyndaǵy orta mektepte tusaýkeser rásimi jasaldy. Bul sharanyń atalmysh mektepte ótýiniń sebebi bar. Oqý ordasynda dene shynyqtyrý pániniń muǵalimi Raıhan Naýkeev burynnan órenderdi asyq oıynyna baýlyp keledi. Endigi kezekte ulttyq qundylyqty urpaq boıyna darytý qalanyń barlyq mektebinde júrgiziledi.
«Men buǵan qýanyshtymyn. Asyq oıynynyń syryna áli kúnge deıin tolyq úńile almaı júrgen sekildimiz. Áıtpese, onyń paıdaly qasıetteri kóp emes pe? Bastysy, ulttyq oıyn sheberlikke, mergendikke, batyldyqqa baýlıdy», deıdi R.Naýkeev.
Tusaýkeser rásiminen keıin qaladaǵy 10 mektepten kelgen órender asyq oıynynan keıin ózara básekege tústi. Tipti, ustazdar da tartysty saıys kórigin qyzdyrdy. Bul sharaǵa respýblıkalyq asyq atý federatsııasynyń atqarýshy dırektory Jomart Sabyrjanov qatysty.
Ádilet Qaıtarbaev
