Qyzylordada oqýshylar tórtinshi toqsanda aralas formatta bilim alady

QYZYLORDA. QazAqparat - Qyzylordada jalpy bilim beretin mektepterdegi barlyq synyp oqýshylary tórtinshi toqsandy aralas formatta oqıdy, dp habarlaıdy QazAqparat tilshisi.

Negizgi pánderdi dástúrli, qalǵan pánderdi qashyqtan oqýǵa múmkindik jasalǵan.

Máselen, mýzyka, kórkem eńbek, ınformatıka, quqyq negizderi pánderin oqýshylar qashyqtan oqı alady.

Aıta keterligi, jekelegen pánderdi qashyqtan oqytý máselesin ár mektep ózi derbes aıqyndaıdy.

«Infektsııanyń taralý qaýipin azaıtý maqsatynda dástúrli túrde bilim alatyn oqýshylar 5 satydan turatyn dezınfektsııadan ótedi. Búginde barlyq mektepterge dezınfektsııalyq qural-jabdyqtar satyp alyndy. Sondaı-aq, mektepke ata-analardyń kirýine de tıym salyndy. ıAǵnı, bastaýysh synypta oqıtyn balalardyń ata-analary endi balalaryn mekteptiń aldynda muǵalimderge tabystaıdy. Oqýshylar dezınfektsııalyq týnnelden ótip baryp ǵana mektepke kiredi», – dedi oblystyq bilim basqarmasynyń basshysy Aqzıra Qasymova.

Jańa toqsanda mektep formasyna qatysty qatań talap bolmaıdy. ıAǵnı, oqýshylar yńǵaıly ári qoljetimdi formada mektepke kire alady.

Sabaq ýaqyty 40 mınýt bolyp bekitildi. Atap óterligi, endi aýdan, qala mektepterinde ashanalar jumys isteıdi.

Alaıda ashananyń toltyrylýy tamaqtaný zalynyń 30 paıyzynan aspaýy tıis.