Qyzylordada oqýshylar mereke qarsańynda 10, 15, 20 myń teńgelik sertıfıkattar aldy
QYZYLORDA. QazAqparat - Ulystyń uly kúni Naýryz merekesine oraı №10 daryndy balalarǵa arnalǵan oblystyq «Bilim-ınnovatsııa» lıtseı-ınternatynda «Qosh keldiń, áz Naýryz!» atty shara bolyp ótti. Oǵan lıtseı ata-analary jáne oqýshylar qatysty, dep habarlady QazAqparat HAA tilshisi.
Lıtseıdiń 7-10 synyptary ózderine tańdaý arqyly túsken ulttar tilinde án salyp, bı bıledi, salt-dástúri, mádenıetimen tanystyrdy. Mysaly, 7 A jáne B synyptaryna qazaq óneri tússe, 8 A synyby tatar mádenıetimen tanystyrdy. 8 B uıǵyr ánin aıtyp, bıin bıledi, 9 A, B synyptaryna ázirbaıjan men ózbek ultynyń óneri tússe, 10A oqýshylary qyrǵyz ánin áýeletti, 10B oqýshylary sheshen bıin bıledi.
Qazylar alqasy synyptar jasaǵan kórmemen de tanysty. Oǵan ár ulttyń tarıhynan habar beretin jádigerler men ulttyq taǵamdary qoıyldy..
Saıys nátıjesinde 9A synyby «Eń belsendi synyp», 10B «Eń uıymshyl synyp» atalymyn ıelendi. 7A synyby І oryn tuǵyryna shyqty. Al 9B, 8A synyptary ІІ oryn, 7B, 8A, 10A synyptary ІІІ oryn aldy.
Jeńimpazdar 10 000, 15 000, 20 000 teńgelik sertıfıkattarmen marapattaldy.
