Qyzylordada oblysynyń ákimi men jastar qoǵamdyq birlestikteriniń basshylary kezdesti
QYZYLORDA. 26 naýryz. QazAqparat /Jańagúl Serdaly/ - Qyzylordada alǵash ret oblys ákimi men oblystaǵy jastar qoǵamdyq birlestikteri jetekshileriniń ashyq áńgime alańynda kezdesýi ótkizildi.
Kezdesýge 20-ǵa jýyq jastar qoǵamdyq birlestikteriniń jetekshileri men 10-nan asa óner, bilim, sport salasynyń jastary qatysty. Kezdesýde jastar qoǵamdyq birlestikteri jetekshileriniń usynys-pikirleri men saýaldary tyńdaldy.
Kezdesý oblys ákimi men oblystyń belsendi, jetekshi jastary arasynda ashyq áńgime alańyn ornatýǵa jáne jastar kókeıindegi máselelerdi bilýge arnaldy.
Kezdesý barysynda jastar qoǵamdyq birlestikteri jetekshileri tarapynan jastar qoǵamdyq birlestikterin bir ortalyqqa shoǵyrlandyrý, ústimizdegi jyly KTK oıynshylary arasynda ótkiziletin oblys ákimi kýbogyn respýblıkalyq deńgeıde uıymdastyrý, jastar arasynda shaǵyn kásipkerlikti damytý, qala, aýdan, aýyldyq jerlerde jas qamqorshylar jasaǵynyń jumysyn jolǵa qoıý jáne olarǵa qoldaý jasaý, óńirimizdiń ónerli jastary arasynda olardy irikteý baıqaýlaryn uıymdastyrý, jastardy qoljetimdi turǵyn úımen qamtý, «Aýyldyń gúldenýi - Qazaqstannyń gúldenýi» marafon-estafetasyn oblysymyzda uıymdastyrý sharalaryna jastardy tartý, jumyssyz jastardy jumyspen qamtýda týyndaıtyn qıyndyqtar, jastardyń jumysqa ornalasýynda kezdesetin kedergiler, stýdenttik emhana qurylysyn salý máseleleri boıynsha saýaldar men usynystar bildirildi.
Jastar qoǵamdyq birlestikteriniń jetekshileri qoıǵan saýaldar men usynys-pikirlerdi oblys ákimi muqııat tyńdap, jastar saýaldaryna tıisti jaýaptar berildi.
Kezdesý sońynda oblys ákimi bul ıgi bastamanyń bereri mol ekendigin aıtyp, aldaǵy ýaqytta jastar qoǵamdyq birlestikteri jetekshilerimen turaqty kezdesýdi jolǵa qoıýdy usyndy, kelesi kezdesý naqty másele nemese taqyryp aıasynda uıymdastyrylýy kerektigi aıtyldy.
