Qyzylordada oblystyq Tótenshe jaǵdaılar departamenti 2012 jyldyń birinshi jarty jyldyǵyn qorytyndylady

Keńeıtilgen jınalysqa TJD bastyǵy polkovnık Erik Tóleýjanov tóraǵalyq etti. 2012 jyldyń І jarty jyldyǵynda atqarylǵan jumystar esebinde Qyzylorda oblysy Tótenshe jaǵdaılar departamenti Tótenshe jaǵdaılar mınıstrliginiń halyq pen aýmaqty tabıǵı jáne tehnogendik sıpattaǵy tótenshe jaǵdaılardan qorǵaý salasyndaǵy memlekettik saıasatty júzege asyrý jónindegi negizgi maqsatyna,  TJM-niń 2011-2015 jyldarǵa arnalǵan Strategııalyq josparyna, QR TJM-men bekitilgen operatsııalyq josparyna sáıkes jumys jasalǵandyǵy, tótenshe jaǵdaılardyń qaýpin azaıtýǵa, adam ómiri men densaýlyǵyn saqtaýǵa, materıaldy shyǵyn esebin azaıtý jáne strategııalyq jospardy júzege asyrý men Mınıstrliktiń alqa qaýlylaryn oryndaýǵa baǵyttalǵandyǵy, Qyzylorda oblysynyń 2011-2015 jyldarǵa arnalǵan damý baǵdarlamasyna azamattyq qorǵanys salasyn damytý boıynsha, tabıǵı jáne tehnogendik sıpattaǵy tótenshe jaǵdaılarda AQ pen TJ qurylymdarynyń daıyndyǵyn kúsheıtý sharalary engizilgendigi jóninde baıandaldy.

«Oblys boıynsha 53 tótenshe jaǵdaı tirkeldi, olarda 32 adam qaıtys boldy. Ónerkásip qaýipsizdigi basqarmasymen 155 ónerkásiptik kásiporyn men 446 nysan tekserildi, nátıjesinde 1518 erejeler jáne tehnıkalyq qaýipsizdik normalardy buzýshylyqtar anyqtaldy. Qazirgi qoldanystaǵy erejeler jáne tehnıkalyq qaýipsizdik normalardy buzýshylyqtarǵa jol bergendigi úshin jalpy quny  7 607 870 teńgekóleminde aıyppul salý arqyly 157 laýazymdy jáne zańdy tulǵalar ákimshilik jaýapkershilikke tartyldy.

Qyzylorda oblysy boıynsha aǵymdaǵy jyly 267 órt oqıǵasy tirkeldi. Taldaý kórsetkendeı órt oqıǵalary 106 jaǵdaıǵa, jaraqat alǵan adam sany 3 jaǵdaıǵa kóbeıgen.  

Oblys kóleminde túrli sharýashylyq baǵyttaǵy barlyǵy 2085 nysandarǵa jáne 26657 jeke turǵyn úılerge órt qaýipsizdigi salasynda profılaktıkalyq is-sharalardy júzege asyrý, baqylaý jumystaryn júrgizý maqsatynda órt-tehnıkalyq tekserýler júzege asyryldy.»

Sonymen qatar, atalmysh jınalysqa departamenttiń birqatar bólim, basqarma,  departamenttiń qurylymdyq bólimsheleriniń basshylary qatysyp, atqarylyp jatqan jumystar esebin qatysýshylar nazaryna saldy.