Qyzylordada oblystyq medıtsına ortalyǵyna 80 mln. teńgeniń qondyrǵylary alyndy
QYZYLORDA. QazAqparat- Qyzylordada Táýelsizdiktiń 25 jyldyǵy qarsańynda aımaq basshysynyń tikeleı qoldaýymen ashylǵan oblystyq medıtsına ortalyǵy janyndaǵy oftalmologııalyq ortalyqqa 80 mln teńgeniń zamanaýı qondyrǵylary alyndy, -dep habarlady QazAqparat tilshisi oblystyq densaýlyq saqtaý basqarmasyna silteme jasap.
Ótken jyly 1500-deı naýqasqa ota jasalsa, mamyr aıynda ashylǵan ortalyqta 6 aıdyń ishinde 2000-daı naýqas ota jasalǵan. Aldaǵy kezeńderde zamanaýı qondyrǵylardyń kómegimen jańashyl otalar jasalady dep kútilip otyr.
Sonymen qatar, osy kúni oblys ákiminiń orynbasary R.Rústemov oblystyq medıtsına ortalyǵynyń saltanatty sharasyna qatysty. Shara barysynda, ortalyq ujymy oblys ákiminiń «Qurmet Gramotasymen» marapattaldy. Jáne birqatar medıtsına qyzmetkerleri oblys ákiminiń «Qurmet Gramotasymen», oblys ákiminiń orynbasary jáne basqarma basshysynyń «Alǵys» hattaryn ıelendi.
