Qyzylordada oblystyq basqarma kásipker quqyǵyn shektegen
QYZYLORDA. QazAqparat - Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasy mamandary áreketterinen bıznes nysanynyń zańdy múddeleriniń buzylǵany anyqtaldy, dep habarlaıdy QazAqparat tilshisi Qyzylorda oblysynyń memlekettik qyzmet isteri jáne sybaılas jemqorlyqqa qarsy is-qımyl departamentine silteme jasap.
Qyzylorda oblysynyń memlekettik qyzmet isteri jáne sybaılas jemqorlyqqa qarsy is-qımyl departamentimen «Protecting Business and Investments» jobasy aıasynda «Medıkea IIS» JShS quqyǵy qorǵaldy.
Seriktestik Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasy basshylarynyń áreketterinen bıznes nysandarynyń zańdy múddeleriniń buzylǵandyǵy týraly ótinish bildirgen.
«Ótinishte kórsetilgen mán-jaılardy anyqtaý maqsatynda múddeli memlekettik organdaryń ókilderiniń jáne seriktestik ókiliniń qatysýymen kezdesý ótkizildi. Kezdesýde oblystyq jumyspen qamtý basqarmasynyń memlekettik satyp alý barysynda protezdi-ortopedııalyq buıymdarǵa negizsiz tirkeý kýálikterin talap etkeni jáne bul óz kezeginde «Medıkea IIS» JShS-ne kórsetilgen qyzmetter úshin 118 mln teńgeniń tólenbeı otyrǵanyna ákep soqqandyǵy anyqtaldy», - deıdi Qyzylorda oblysynyń memlekettik qyzmet isteri jáne sybaılas jemqorlyqqa qarsy is-qımyl departamentiniń baspasóz hatshysy Baǵdat Ábdiqadyrov.
Kezdesýde Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasy memlekettik satyp alý týraly kelisimsharttan týyndaıtyn barlyq talaptaryn qanaǵattandyrýǵa mindetteme aldy.
