Qyzylordada oblys ákiminiń júldesine arnalǵan spartakıada márege jetti
QYZYLORDA. 1 qazan. QazAqparat - Qyzylordada oblys ákiminiń júldesine arnalǵan spartakıada márege jetti. Bul týraly oblys ákiminiń baspasóz qyzmetinen habarlady.
Memlekettik jáne vedomstvo qyzmetkerleri arasyndaǵy XVIII dástúrli spartakıadaǵa aımaqta 24 komanda quramynda 1000-nan astam memlekettik kyzmetshi qatysty. Olar sporttyń 10 túrinen synǵa tústi. Spartakıada oǵan qatysýshy quramalardyń shama-sharyqtary men múmkindikteri deńgeılerine qaraı eki topqa bólinip ótkizildi. Munyń birinshi tobyna myqty komandalar toqaılasty.
Sporttyń ár túri boıynsha jeńimpaz jáne júldeger komandalar estelik syılyqtarmen, dıplomdarmen marapattaldy. Al jalpy esepte jeńiske jetken komandalar aýyspaly kýbok, dıplomdar aldy. Osylaısha birinshi topta birinshi orynǵa oblystyq bilim basqarmasynyń komandasy shyqsa, ekinshi oryndy Qorqyt ata atyndaǵy Qyzylorda memlekettik ýnıversıtetiniń quramasy ıemdendi. Tuǵyrdyń úshinshi satysyn Ulttyq qaýipsizdik komıteti oblystyq departamentiniń ujymy enshiledi. Al ekinshi top komandalary arasynda Qyzylorda qalasy ákimdiginiń aldyna túsken eshkim bolǵan joq. Ekinshi orynǵa oblystyq qazynashylyq departamentiniń, úshinshi orynǵa oblystyq salyq departamentiniń komandalary ornalasty.
