Qyzylordada «Nurly jol» baǵdarlamasy aıasynda kópqabatty 7 úı boı kóterýde
ASTANA. QazAqparat - «Báıterek» Holdınginiń enshiles uıymy «Báıterek development» aktsıonerlik qoǵamynyń qarjylandyrýymen Qyzylorda qalasynda 350 páterli jeti úıdiń qurylysy aıaqtalýda.
«Nurly jol» ınfraqurylymdy damytý memlekettik baǵdarlamasy sheńberinde salynǵan áleýmettik baspanany paıdalanýǵa berý ústimizdegi jyldyń qazan aıyna josparlanǵan. «Sáýlet» shaǵyn aýdanynda ornalasqan páterlerdiń aýmaǵy 21 myń sharshy metrden asady.
«Báıterek development» aktsıonerlik qoǵamynyń basqarýshy dırektory Asyljan Qurtaevtyń habarlaýynsha, búginde kompanııa Qyzylorda qalasynda jeke qurylys salýshylarmen jalpy aýmaǵy 96 myń sharshy metrden asatyn 1470 páterdiń qurylysyna 7 ınvestıtsııalyq kelisimshart jasasty. Bul turǵyn úı keshenderin paıdalanýǵa berý 2016-2017 jyldarǵa josparlanǵan. Páterler eki baǵytta: «Qazaqstannyń Turǵyn úı jınaq banki» aktsıonerlik qoǵamy jelisimen nesıelik turǵyn úı jáne jergilikti atqarýshy organdarymen turǵyn úıdi jalǵa berý arqyly beriledi. Bank salymshylaryna bir sharshy metrdiń baǵasy 141 myńnan 149 myń (nysanǵa baılanysty) aralyǵynda bolady. Jalǵa beriletin turǵyn úı, ákimshilikterde páter kezeginde tirkelgen áleýmettik jaǵdaıy tómen sanattaǵy azamattarǵa beriledi.
Sonymen qatar, búgingi tańda, «Nurly jol» baǵdarlamasy boıynsha aımaqtarda salynyp jatqan birneshe nysan qurylysy qarqyndy júrip jatyr, birqatary aıaqtalýǵa jaqyn. Aǵymdaǵy jyldyń aıaǵyna deıin Qyzylorda, Taraz, Shymkent, Oral, Aqtóbe jáne Semeı qalalarynda 207 myń sharshy metrden astam baspana paıdalanýǵa beriledi dep josparlanǵan.
Jalpy alǵanda, búgingi tańda, «Báıterek development» aktsıonerlik qoǵamy Qazaqstannyń 13 aımaǵynda qurylys nysandaryn salýǵa 40 kelisimshart jasasty. ıAǵnı, aldaǵy eki jylda respýblıka boıynsha jalpy aýmaǵy 456 myń sharshy metrdi quraıtyn 7 500 páterdiń qurylysyna baǵyttalǵan sharttarǵa qol qoıyldy.
Eske sala keteıik, kredıttik baspana baǵyty boıynsha «Qazaqstannyń Turǵyn úı qurylys jınaq banki» AQ («Báıterek» Holdınginiń enshiles uıymy) 2016 jyldyń 3 qyrkúıeginen 15 qyrkúıegi aralyǵynda, Qyzylorda qalasynyń salymshylarynan ótinishter qabyldap jatyr.
Anyqtama: «Báıterek» Ulttyq basqarý holdıngi» aktsıonerlik qoǵamynyń enshiles uıymdary: «Báıterek development» aktsıonerlik qoǵamy men «Qazaqstan Turǵyn úı qurylys jınaq banki» aktsıonerlik qoǵamy, qurylys jáne nesıelik baspanany júzege asyrý salasynda «Nurly jol» ınfraqurylymdy damytýdyń 2015-2019 jyldarǵa arnalǵan memlekettik baǵdarlamasynyń operatorlary bolyp tabylady.
