Qyzylordada «Nur orda» jańa shaǵynaýdany ashyldy

QYZYLORDA. QazAqparat - Búgin Qyzylordada jalpy sany 820 páterdi quraıtyn kópqabatty 16 turǵyn úı el ıgiligine berildi, dep habarlady QazAqparat tilshisi.

Qyzylorda oblysynyń ákimi Qyrymbek Kósherbaev jáne QR Ulttyq ekonomıka vıtse-mınıstri Aıdar Áriphanov jańa qonys ıelerin Qazaqstan Respýblıkasy Táýelsizdiginiń 25 jyldyǵymen jáne baspanaly bolýlarymen quttyqtady. 

 

«Nur Orda» móltekaýdanyndaǵy bul úıler «Nurly jol» memlekettik baǵdarlamasy boıynsha salyndy. Shaǵynaýdanda kópqabatty 20 úıdiń qurylysy júrýde, onyń 12-si (600 páter) «BáıterekDevelopment» AQ, al 8-i (420 páter) «QazaqstannyńTurǵynÚıQurylysJınaqBanki» AQ men birlesip júzege asyrylýda. 
Aıta ketý kerek, jergilikti bılik turǵyndardyń jeke turǵyn úı qurylysyn júrgizýleri úshin de kómek qolyn sozýda. Bıyl jaz aıynda 6600 qyzylordalyq jeke úı salý úshin qajetti barlyq ınjenerlik-ınfraqurylymy tartylǵan (sý, jaryq, gaz jáne avtojol) 980 gektar aýmaqty qamtıtyn jer telimderin aldy. Al ótken senbide, 10 jeltoqsan kúni Qarmaqshy aýdanynyń ortalyǵy Josaly kentinde ótinish bergen 1380 turǵyn ınjenerlik-ınfraqurylymy júrgizilgen jer telimderine ıe boldy.