Qyzylordada Nazarbaev Zııatkerlik mektebi muǵalimderi arasynda jelilik spartakıada ótti
QYZYLORDA. QazAqparat - Qyzylorda qalasyndaǵy hımııa-bıologııalyq baǵyttaǵy Nazarbaev Zııatkerlik mektebinde elimiz boıynsha Nazarbaev Zııatkerlik mektep muǵalimderi jáne qyzmetkerleri arasynda "Bolashaǵymyz - birlikte" atty Jelilik spartakıada ótkizildi. Bul týraly QazAqparat HAA tilshisi habarlady.
Spartakıada maqsaty - Zııatkerlik mektep muǵalimderi men qyzmetkerleri arasynda ońtaıly áriptestik jáne dostyq baılanystardy qalyptastyrý; salaýatty ómir saltyn qalyptastyrý jáne qysqy Ýnıversıada oıyndaryna qatysýshylarǵa sporttyq jarystar arqyly qoldaý kórsetý bolyp tabylady.
Dúbirli dodaǵa respýblıkamyzdan 7 Nazarbaev Zııatkerlik mektep komandalary qatysty.Olar sporttyń 5 túrinen: voleıbol, shaǵyn fýtbol, ústel tennısi, toǵyzqumalaq jáne gir kóterý boıynsha baqtaryn synady.
Nátıjesinde toǵyzqumalaq sport túrinen 3-shi oryndy Almaty qalasyndaǵy HBB NZM oıynshysy Halıtova Alfııa, Astana qalasynyń Halyqaralyq mektebi komanadasynyń oıynshysy Sátbaev Syndar, 2-shi oryndy - Qyzylorda qalasy HBB NZM qyzmetkeri Sekına Qyrmyzy men Shymkent qalasy HBB NZM muǵalimi Saparbek Ǵanı, al 1-shi oryndy - Taraz qalasynyń FMB NZM oıynshysy Kerimbı Sulýshash pen Taraz qalasynyń HBB NZM oıynshysy Meıramqulov Jandos ıelendi.
Voleıboldan 1-shi oryndy Almaty HBB NZM, 2-shi oryndy - Shymkent qalasy HBB NZM jáne 3-shi oryndy Qyzylorda qalasy HBB NZM komandalary bólip aldy.
"Úzdik qorǵaýshy" nomınatsııasymen Astana qalasyndaǵy halyqaralyq mektebi komandasynyń oıynshysy Eleýkeev Jastilek, "Úzdik oıynshy" - Shymkent qalasyndaǵy HBB NZM oıynshysy Savelev Sergeı, "Úzdik úılestirýshi" - Shymkent qalasy FMB NZM qyzmetkeri Qııashov Maqsat jáne "Úzdik shabýylshy" - Almaty qalasy HBB NZM komandasynyń oıynshysy Jaqashev Erjan marapattaldy.
Ústel tennısi boıynsha qyzdar arasynda 1-shi oryndy Qyzylordadaǵy NZM muǵalimi Omarova Janna, al úldar arasynda Astana qalasynyń oıynshysy Álishov Myrzaǵalı ıelendi. Júldeli ekinshi, úshinshi oryndardy Ýshýrova Nadıra (Shymkent HBB NZM) men Abılov Baǵdat (Qyzylorda qalasy HBB NZM) jáne Halıtova Alfııa (Almaty qalasy HBB NZM) men Shúıinishqalıev Quralbek bólip aldy.
Gir tasyn kóterýden Qyzylorda qalasy NZM pedagog-uıymdastyrýshy-kýrator Bısenbaev Nurjan jeńimpaz atandy. Ekinshi orynda - Shymkenttik Baıtýkov Talǵat, al úshinshi orynǵa Atyraýlyq Moıssev Artem turaqtady. "Shymyrlyǵymen" erekshelengen oıynshy Almatylyq oıynshy Nabıev Ádilet arnaıy dıplommen marapattaldy.
Fýtboldan Qyzylorda qalasy HBB NZM komandasy jeńimpaz atandy. Shymkent qalasy FMB NZM komandasy - 2-shi oryndy, al Shymkent qalasy HBB NZM komandasy - 3-shi oryndy ıelendi.
Jalpy komandalyq esepte:
III oryn - Almaty qalasy HBB NZM
II oryn - Taraz qalasy HBB NZM
I oryn - Qyzylorda qalasy HBB NZM ıelendi.
Barlyq jeńimpaz komandalarǵa jáne úzdik oıynshylarǵa arnaıy dıplomdar men syılyqtar tapsyryldy.
