Qyzylordada «Naýryz mereıi» aktsııasy qorytyndylandy
QYZYLORDA. QazAqparat-Qazaqstan Respýblıkasy Prezıdenti Ákimshiliginiń basshysy Ádilbek Jaqsybekovtiń Naýryz merekesi aıasynda qaıyrymdylyq is-sharalaryn uıymdastyrý týraly tapsyrmasyna sáıkes oblys boıynsha 10 - 22 naýryz aralyǵynda «Naýryz mereıi» aktsııasy uıymdastyrylǵan bolatyn.
Bul týraly QazAqparat HAA tilshisi oblystyq jumyspen qamtýdy úılestirý jáne áleýmettik baǵdarlamalar basqarmasyna silteme jasap habarlady.
Aımaq boıynsha aktsııa aıasynda 4328 adamǵa 20,5 mln. teńgege qaıyrymdylyq kómek kórsetildi. Atap aıtqanda, oblys ákiminiń apparaty 9 otbasyna 610 myń teńgeniń kómegin kórsetse, oblystyq máslıhat apparaty ujymy 50 myń teńge jumsap, 2 otbasyna kómek bergen.
«Nur Otan» partııasynyń oblystyq fılıaly da qaıyrymdylyq isterden tysqary qalǵan joq. Olar 40 myń teńgege 2 otbasyna qajetti zattardy jetkizip berdi. Aýmaqtyq departamentter jáne oblystyq basqarmalar ujymdary da 96 otbasyna 1,7 mln. teńgege qoldaý tanytypty.
Munaı kompanııalary men túrli uıymdar da bul iske úles qosty. Mysaly, «Petro QazaqstanQumkólResorsız» AQ 200 adamǵa 4,8 mln, al «Baıqońyr» ÁKQ UQ 4 adamǵa 32 myń teńgeniń azyq-túligin taratty. «Syr meıirimi» qoǵamdyq áleýmettik qory 50 adamǵa dastarqan jaıdy.
Aýdandarda da jalǵasyn tapqan aktsııa aıasynda Aralda 410 adamǵa 2,2, Qazaly aýdanynda 904 adamǵa 1,3, Shıeli aýdanynda 122 adamǵa - 2, Jańaqorǵanda 317 adamǵa 1,5, al Qyzylorda qalasynda 1852 adamǵa 4,6 mln. teńgege kómek kórsetildi. Qarmaqshyda 95 turǵynǵa 300, Jalaǵash aýdanynda 121 adamǵa 800 myń teńgege qoldaý tanytty. Syrdarııalyqtar 144 turǵynǵa jasalǵan kómekke 400 myń teńge jumsady.
