Qyzylordada Naýryz merekesinde 85 búldirshinniń tusaýy kesiledi

QYZYLORDA. QazAqparat – Qyzylorda qalasynda 21 naýryz, Ulystyń uly kúninde 85 búldirshinniń tusaýy kesiledi. Bul Qyzylorda oblysynyń qurylǵanyna 85 jyl tolý qurmetine arnalyp otyr, dep habarlaıdy QazAqparat tilshisi.

Syr óńirinde osy maqsatta túrli taqyryptaǵy 300-ge jýyq merekelik is-shara uıymdastyrylady. Onyń ishinde Qyzylorda qalasynda 100-ge jýyq is-shara ótkizilmek.

Merekeni joǵary deńgeıde atap ótý maqsatynda 14-22 naýryz aralyǵyndaǵy 6 kúnge jeke-jeke ataý berilgen. Atap aıtqanda, olardyń birqatary «Tarıhtan taǵylym», «Naýryz naqyshy – tazalyq», «Ulttyq sport – ult salaýaty», «Jastar kúni» atalsa, 21 naýryz ortalyq alańda «Birliktiń bastaýy, eldiktiń dastany – Naýryz» atty Ulystyń Uly kúni, jyl basy – Naýryz meıramyn toılaýǵa arnalǵan mádenı-kópshilik is-shara uıymdastyrylady. Sondaı-aq, ataýly kúnder aıasynda oblys ákiminiń qatysýymen ortalyq «Aqmeshit-Syrdarııa» meshitinde «Qaıyrymdy ult» jalpyulttyq qaıyrymdylyq aktsııasy ótkizilip, «Naýryz shapaǵaty» sharasy uıymdastyrylady», - dedi Qyzylorda oblysynyń qoǵamdyq damý basqarmasynyń basshysy Almasbek Esmahanov.

Eske salsaq, Atyraýda Naýryz merekesi qarsańynda jańa avtobýstar jolǵa shyqtyqyzy.