Qyzylordada naýqastardyń basym bóligi KVI-di qarym-qatynas arqyly juqtyrǵan
QYZYLORDA. QazAqparat - Qyzylorda oblysynda koronavırýs ınfektsııasyn qarym-qatynas arqyly juqtyrǵan naýqastardyń sany artyp tur, dep habarlaıdy QazAqparat tilshisi.
Sońǵy táýlikte óńirde 5 adamnyń qaterli indetke shaldyqqany anyqtaldy. Olardyń barlyǵy - Qyzylorda qalasynyń turǵyndary.
«Naýqastardyń tórteýi qarym-qatynas arqyly juqtyrǵan. Bireýi somatıkalyq aýrýy boıynsha profılaktıkalyq tekserý kezinde anyqtalyp otyr», -dep málim etti Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.
Jyl basynan beri Qyzylorda oblysynda 101 adam qaterli dertke shaldyqqan. Olardyń 54-i qarym-qatynas arqyly juqtyrsa, ol 36 adamda skrınıngtik tekserý nátıjesinde naqtylandy. Sondaı-aq, 11 jaǵdaıda elimizdiń ózge óńirlerinen kelgen azamattar arqyly syrttan tasymaldanǵany belgili boldy.
Aıta keterligi, Qyzylordada koronavırýsty negizinen orta jastaǵy kisiler juqtyrǵan.
Alańdatarlyǵy, Qyzylordada karantın talabyn buzyp, toı jasaıtyndar azaımaı otyr.
