Qyzylordada naýqastardyń basym bóligi koronavırýsty qarym-qatynas arqyly juqtyrǵan

QYZYLORDA. QazAqparat - Qyzylorda oblysynda jyl basynan beri koronavırýs ınfektsııasyn qarym-qatynas arqyly juqtyrǵan azamattardyń úlesi salmaǵy basym bolyp tur, dep habarlaıdy QazAqparat tilshisi.

«Óńirde bıyl 179 adam qaterli indetke shaldyqty. Olardyń 60,2 paıyzy qarym-qatynas arqyly juqtyrǵany belgili boldy. Sondyqtan turǵyndardan barynsha saqtyq sharalaryn saqtaýdy suraımyz. Bul qaterli indettiń aldyn alýǵa óz áserin tıgizedi», - dep málim etti Qyzylorda oblysy sanıtarııalyq-epıdemıologııalyq baqylaý departamentiniń baspasóz qyzmeti.

Vedomstvo málimetinshe, ótken táýlikte koronavırýs ınfektsııasyn juqtyrýdyń 13 deregi tirkeldi. Olardyń 8-i-Qyzylorda qalasynda, 3-i Jańaqorǵan aýdanynda anyqtaldy. Al Shıeli men Qarmaqshy aýdandarynda bir-birden naýqastardyń qaterli indetke shaldyqqany belgili boldy. Olardyń 5-i klınıkalyq belgisimen anyqtalsa, qalǵanynda klınıkalyq belgileri baıqalmaǵan. Olarmen qarym-qatynasta bolǵan 36 adam dárigerler baqylaýyna alyndy.

Budan buryn aqpan aıynda Qyzylorda oblysynda koronavırýsqa qarsy vaktsına egý bastalatyny habarlanǵan edi.