Qyzylordada naýqastardyń 80 paıyzy koronavırýs dertinen aıyqty
Búgingi kúnge deıin Qyzylorda oblysynda koronavırýs ınfektsııasymen 3199 adam tirkelgen. Onyń ishinde Qyzylorda qalasynan -1920, Araldan – 114, Qazalydan - 101, Qarmaqshydan - 137, Jalaǵashtan - 111, Syrdarııadan - 180, Shıeliden - 283, Jańaqorǵan aýdanynan – 353 adam qaterli indetke shaldyqqan.
Keshe, 12 tamyzda koronavırýs ınfektsııasymen 4 jaǵdaı anyqtaldy Onyń 3-ýi Qyzylorda qalasynan bolsa, 1 derek Shıeli aýdanynan tirkeldi. Olardyń 4-eýi de skrınıngtik tekserýden anyqtalǵan. Jalpy emdelip shyqqan naýqastar sany - 2556. Ol oblys boıynsha indetti jeńgen naýqastardyń 80 paıyzyn quraıdy.
Sondaı-aq, Qyzylorda oblysynda turǵyndardyń jedel járdem qyzmetine júginý jaǵdaıy da qalypqa tústi. Qazir atalǵan qyzmetke júkteme indetke deıingi kúndelikti shaqyrtý qabyldaý deńgeıine túsip otyr. ıAǵnı ahýal turaqtalyp, shaqyrtý sany da azaıdy.
Shaqyrtýlar sany indet órshigen maýsym-shilde aılarymen salystyrǵanda 56,8%-ǵa tómendedi. Onyń ishinde tynys alý joldarynyń aýrýlary 6 esege kemidi. Shaqyrtý sany kóbeıgen tusta ol kúndelikti 1000-nan astam jaǵdaıdy quraǵan edi. Búginde shamamen 150-170.
Sondaı-aq, Jańaqorǵandaǵy aýrýhananyń ınfektsııalyq bóliminen sońǵy naýqas emdelip shyqty.