Qyzylordada narkologııalyq ortalyqta esepte turǵandar sany kemip keledi
QYZYLORDA. QazAqparat - Qyzylorda qalasynda narkologııayq ortalyqta em alǵandar qatarynda jasóspirimder de bar, dep habarlaıdy QazAqparat tilshisi.
Jergilikti narkologııalyq dıspanserde 17 jastaǵy jasóspirim de em alǵan. Sondaı-aq, narkologııalyq dıspanserde esepte turatyndardyń 74-i 30 jasqa deıingi azamattar.
«2017 jyly narkologııalyq ortalyqtyń esebinde 860 adam esepte turǵan edi. Ol byltyr 733 adamdy qurady. Aldyńǵy jylmen salystyrǵanda esepte turatyndar 127 adamǵa kemidi. Degenmen ortalyqqa 196 adam bizdiń ortalyqqa alǵash ret tirkelgen. Uzaq emdelip bizdiń esepten shyǵarylatyn azamattar da bar. Olar ózderiniń qateligin jastar qaıtalamasa degen oıyn bildirip jatady», - dedi Qyzylorda oblystyq narkologııa ortalyǵy bas dárigeriniń mindetin atqarýshy Gúlaıym Seıilhanova.
Ótken jyly ortalyqtyń májbúrlep emdeý bóliminde 199 adam em sharalaryn qabyldaǵan. Osy rette mamandar májbúrli emdeýden kóri óz erkimen emdelgen jandardyń 90 paıyzynda jaqsarý nátıjesi baıqalatynyn aıtady.
