Qyzylordada munaı tasıtyn kólik aýdarylyp, júrgizýshi qaza tapty
QYZYLORDA. QazAqparat - Qyzylorda oblysy Shıeli aýdany aýmaǵynda janarmaı tasıtyn kólik aýdarylyp, júrgizýshisi qaıtys boldy, dep habarlaıdy QazAqparat tilshisi.
Qaıǵyly oqıǵa aýdandaǵy Shıeli-Taıqońyr avtojolynyń boıynda oryn alǵan. Munaı tasıtyn «KamAZ» júrgizýshisi kólikti basqara almaı, shuńqyrǵa aýdarylǵan. Sonyń saldarynan 10 tonna munaı 60 sharshy metr aýmaqqa jaıylǵan. Alaıda órt oqıǵasy tirkelgen joq.
«Júrgizýshi apat kezinde qaıtys boldy. Oqıǵa ornynda qalpyna keltirý jumystary qolǵa alynǵan», - dedi Qyzylorda oblystyq tótenshe jaǵdaılar departamenti memlekettik til jáne aqparat tobynyń bas mamany Aıgúl Nurmanova.
