Qyzylordada munaı ónimin zańsyz satqan 25 jastaǵy turǵyn sottaldy
Shıeli aýdanynda turatyn 1996 jylǵy azamat 2017 jyly jeke kásipkerlik ashyp, sodan bastap benzın jáne dızel otynyn kóterme saýdada ótkizýge qatysty jekelegen qyzmet túrlerimen aınalysqan. Aýdan ortalyǵynan janarmaı beketin jalǵa alǵan. Birneshe zańdy tulǵaǵa kelisim-shart negizinde qyzmet kórsetken.
«2019 jyly onyń kásibinde zańsyz áreketter paıda bolǵan. Atap aıtqanda, zańdy tulǵalarǵa jetkizip berý úshin kelisim-shartta kórsetilgen dızel otynynyń bir bóligi qujatta rastalmaǵan. Sot-býhgalterlik zertteý saraptamasy ol «Birińǵaı derekter qoımasy» aqparattyq júıesimen tapsyrylǵan salyq eseptiliginde kórsetilmegenin anyqtady. Osylaısha zańdylyǵyn rastaıtyn qujatsyz munaı ónimderin asa iri mólsherde tasymaldaǵan. Nátıjesinde qylmystyq jolmen túsken tabys bolyp tabylatyn múlikti aınalymǵa tartyp, paıdalanǵany mámile jasasqan tulǵalardyń kórsetýimen tolyqtaı óz dálelin tapty. Bul áreketter aýyr qylmystar sanatyna jatady», - dep málim etti Qyzylorda oblysy boıynsha ekonomıkalyq tergeý departamentinen.
Vedomstvo málimetinshe, QR Qylmystyq kodeksiniń 197-baby 4-bóliginiń 2-tarmaǵymen, 218-baby 1-bóligimen kásipkerge 3 jylǵa shartty túrde bas bostandyǵynan aıyrý jazasy taǵaıyndaldy. Sol merzimge probatsııalyq baqylaý belgilendi.
Eske salsaq, budan buryn Qyzylordada jalǵan aqshamen jergilikti turǵyndardy aldaǵan jigit sottaldy.
https://kaz.inform.kz/news/kyzylordada-zhalgan-akshamen-zhergilikti-turgyndardy-aldagan-zhigit-sottaldy_a3759501