Qyzylordada munaı kenishi aımaǵynda adam súıegine uqsas qańqalar tabyldy

QYZYLORDA. QazAqparat - Qyzylorda oblysynda munaı kenishi aımaǵynda adam súıegine uqsas qańqalar tabyldy, dep habarlaıdy QazAqparat tilshisi.

Oqıǵa Jalaǵash aýdany aýmaǵynda ornalasqan «Maıbulaq» kenishi aımaǵynda bolǵan. Sol aýmaqtan adam súıegine uqsas qańqalar tabylǵan.

«Bul jaǵdaıǵa baılanysty qylmystyq is tirkelip, sotqa deıingi tergep-tekserý bastaldy. Oqıǵa ornynda jedel tergeý toby jumys atqarýda.

QR Qylmystyq-protsestik kodeksi 201-babynyń talabyna sáıkes ári qaraı sotqa deıingi tergep-tekserý derekterin jarııa etýge jol berilmeıdi», - dep málim etti Qyzylorda oblystyq polıtsııa departamenti baspasóz qyzmetiniń jetekshisi Gúljahan Qaıyrbergenova.

Eske salsaq, budan buryn Qyzylordada múgedekterdiń járdemaqysyn jymqyryp, ony qumar oıyndaryna jumsaǵandar ustaldy.

Sondaı-aq, Qyzylordada halyqaralyq izdeýde júrgen kúdikti ustaldy.