Qyzylordada múmkindigi shekteýli jandarǵa arnalǵan «Ten Qogam» jobasy qolǵa alynady
Oblys ákimi Gúlshara Ábdiqalyqovanyń tóraǵalyǵymen múgedektigi bar azamattarǵa áleýmettik qorǵaý sharalary salasyndaǵy úılestirý keńesiniń otyrysy ótti.
Óńir basshysy jınalysta múgedektigi bar azamattar úshin qolaıly orta qurý, olardy áleýmettik qoldaý, jumyspen jáne qajetti ońaltý baǵdarlamalardyń oryndalý barysyna nazar aýdaryp, jaýapty sala basshylarynyń esebin tyńdady.
«Elimizde múgedektigi bar adamdar men júrip-turýy shekteýli ózge de azamattar úshin «esikten esikke deıin qaǵıdaty» boıynsha kedergisiz qoljetimdilikti qamtamasyz etý sharalaryn qabyldaýǵa nazar aýdarylǵan. Bul baǵytta memlekettik organdar men menshik nysanyna qaramastan barlyq mekemeler tıisti jumystardy atqaryp keledi. Dese de áli de rettelýi tıis jumystar bar. Men ózim qaladaǵy memlekettik jáne memlekettik emes birneshe nysandardy aralap kórdim. Onda ornalasqan pandýstardyń ózi normatıvterge sáıkes kelmeıtinin ańǵardym», - dedi Gúlshara Ábdiqalyqova.
Oblys ákim múgedektigi bar jandarǵa arnalǵan pandýstardyń ornatylýy kóp jaǵdaıda syn kótermeıtinin alǵa tartty. Mundaı keleńsizdikkge jol bermes úshin nysandardy qabyldaýda úkimettik emes uıymdar men múmkindigi shekteýli azamattardy qatystyrý kerektigin tilge tıek etti.
Oblystyq jumyspen qamtýdy úılestirý jáne áleýmettik baǵdarlamalar basqarmasy basshysy Gaýhar Qalmaqova múgedektigi bar adamdardy áleýmettik ońaltý máseleleri jáne úılestirý keńesi májilisiniń hattamalyq tapsyrmalarynyń oryndalýy barysyn baıandady. Sondaı-aq, ótken jyly ázirlengen múgedektigi bar adamdardyń quqyqtaryn qamtamasyz etý jáne turmys sapasyn jaqsartý jónindegi 2025 jylǵa deıingi Jol kartasynyń oryndalý barysyna toqtaldy.
Otyrysta Qyzylorda qalasynyń ákimi Ǵanıbek Qazantaev oblys ortalyǵynda kedergisiz orta qalyptastyrý, múgedekterdi jumyspen qamtý sharalaryn aıtyp ótti. Qala ákimi bıylǵy jylǵa josparlanǵan 34 nysan tolyǵymen ulttyq standarttarǵa sáıkes ekenin jáne múgedektigi bar azamattardy jumyspen qamtý maqsatynda qaladaǵy mekemelerdiń jumyskerlerdiń tizimdik sanyna qaraı 2-den 4 paıyzǵa deıingi mólsherde kvota bekitilgenin málimdedi. Sonymen birge, óńirde qarasha aıynan bastap memlekettik áleýmettik tapsyrys sheńberinde «Ten Qogam» áleýmettik jobasy júzege asyrylady. Joba aıasynda múmkindigi shekteýli azamattarǵa áleýmettik, quqyqtyq, psıhologııalyq kómek kórsetý, jumyspen qamtýǵa járdemdesý, óz isin bastaýda kásipkerlikke baýlý, áleýmettik daǵdylardy úıretý sharalaryn iske asyrý josparlanǵan.
Keńes otyrysyn qorytyndylaǵan aımaq basshysy oblystyq jumyspen qamtýdy úılestirý jáne áleýmettik baǵdarlamalar basqarmasyna Qyzylorda qalasy jáne aýdan ákimderimen birlesip, múgedektigi bar adamdardy ońaltý baǵytyndaǵy jumystardy úılestirýdi jáne áleýmettik qyzmetter portalyn qoldaný boıynsha múgedektigi bar azamattarǵa túsindirme jumystaryn kúsheıtýdi tapsyrdy. Sondaı-aq, oblystyq qurylys, sáýlet jáne qala qurylysy basqarmasyna múgedektigi bar adamdar men júrip-turýy shekteýli basqa da azamattar úshin qoldanystaǵy jáne jańadan salynatyn turǵyn úılerdi, qoǵamdyq ǵımarattardy beıimdeý jumystaryn júrgizý, qala jáne aýdan ákimderine múmkindigi shekteýli azamattardy arnaıy kólikpen qamtý jáne jumysqa jaramdy múgedektigi bar adamdardy turaqty jumys ornymen qamtylýyna jaǵdaı jasaýdy mindettedi. Oblys kóleminde 30 myńnan astam erekshe kútimdi qajet etetin adam bar bolsa, olarǵa qolaıly orta qalyptastyrý men teń múmkindik týdyrý basta nazarda bolatynyn aıtqan edi.
Eske salsaq, Qyzylorda oblysynda bıyl 186 mlrd teńgeden astam ınvestıtsııa tartyldy.
