Qyzylordada múmkindigi shekteýli jandardan zańsyz salyq ustalǵan

QYZYLORDA. QazAqparat - Qyzylorda oblysynyń Qarmaqshy aýdanyndaǵy ortalyq aýrýhanada múgedek jandardan zańsyz salyq ustaý deregi anyqtaldy, dep habarlaıdy QazAqparat tilshisi.

Bul derekter Qarmaqshy aýdandyq prokýratýrasynyń tekserý sharasy barysynda belgili boldy. Osylaısha Salyq kodeksiniń 346-baby buzylǵan. Aýdandyq ortalyq aýrýhanasynyń 11 múgedek-jumysshysynan zańsyz salyq ustalǵan.

«Osyǵan baılanysty aýdandyq prokýratýra Qarmaqshy aýdandyq ortalyq aýrýhanasy dárigeriniń atyna zańbuzýshylyqty joıý týraly usynys engizdi. Kadaǵalaý aktisi negizinde múgedek jandardan salyq ustaý toqtatyldy», - dep jazylǵan oblystyq prokýratýranyń baspasóz qyzmeti taratqan habarlamada. 

Osynyń nátıjesinde múmkindigi shekteýli jandarǵa 1 mln teńge kóleminde qarjylary qaıtaryldy. Kináli tulǵalar tártiptik jazaǵa tartyldy.

Esterińizge sala ketelik, Qyzylorda oblystyq prokýratýrasy Qyzylordada energııa baǵasyn zańsyz kótergender jaýapkershilikke tartqan edi