Qyzylordada múmkindigi shekteýli jandar arasynda baıqaý ótti
Sharaǵa «Nur Otan» partııasy Qyzylorda qalalyq fılıaly tóraǵasynyń birinshi orynbasary Sh.Ábdirahmanov, «Ushqyn» qoǵamdyq birlestigi tóraǵasy B.Jumashev jáne múmkindigi shekteýli jandar qatysty.
Baıqaý aldynda birlestiktegi múgedek jandardyń qolynan shyqqan buıymdar tanystyryldy. Birlestik tóraǵasy B.Jumashev bul bastamanyń erterekte boı kótergenin, qazirgi tańda birlestiktiń 50 múgedek jannyń tabys tabar orny ekenin jáne qolóner buıymdaryn satylymǵa shyǵarý joly qarastyrylyp jatqandyǵyn tilge tıek etti.
Munda sheberler qolónerden bólek plastıkten esik-tereze jasap, aǵashtan túrli jıhazdar daıyndaıdy. Olardyń arasynda tigin tsehynda qumys isteıtinder men jarnama agenttigi materıaldaryn ázirleıtinder de bar.
Konkýrs barysynda sheberler ózderin ár túrli qyrynan kórsetip, ár salada jasalǵan jumystaryn kórsetti. Partııa tarapynan joǵary baǵalanǵan osy buıymdardyń aldaǵy ýaqytta bazar dúńgirshikteriniń birinen oryn alyp, satylymǵa shyǵýyna kómek beriletini aıtyldy.
