Qyzylordada múmkindigi shekteýli balalar úshin uzyndyǵy 2 metr tort pisirildi
QYZYLORDA. QazAqparat- Qyzylorda qalasynda uzyndyǵy eki metrge jýyq tort pen tátti toqashtar pisirilip, múmkindigi shekteýli balalarǵa tartý etildi, dep habarlady QazAqparat tilshisi.
Tátti syılyqty «Jomart júrek» qaıyrymdylyq aktsııasy aıasynda «Braýnıs» kondıterlik jelisi daıyndaǵan. Qyzylorda qalasynyń 199 jyldyǵy qurmetine torttyń bıiktigi de 199 santımetr etip jasalǵan.
«Jomart júrek» aktsııasy aıasynda qalalyq mádenıet jáne demalys saıabaǵynda oıyn-saýyq atraktsıondary, sondaı-aq «Qyzylordanyń tartýy» aktsııasymen barlyq baǵyttaǵy qoǵamdyq kólikter tegin qyzmet kórsetýde.
Budan bólek, ardagerlerge arnalǵan «Ardagerlerdi ardaqtaıyq» jáne «Júregim toly meıirim» taqyrybymen múmkindigi shekteýli búldirshinderge merekelik kontsertter ótkizilýde.
