Qyzylordada monsha kesheni órtendi, adamdar qaýipsiz jerge shyǵaryldy
ASTANA. 26 maýsym. QazAqparat - Qyzylordada monshada bolǵan órt saldarynan 10 adam qaýipsiz jerge kóshirildi, dep habarlady QR TJM-niń baspasóz qyzmetinen.
Dúısenbi, 25 maýsym kúni Qyzylordada «Syr-Arasan» úsh qabatty monsha kesheniniń shatyry órtene bastady. Órt aýmaǵy 500 sharshy metrdi qurady. Qaza tapqandar men zardap shekkender joq. 10 adam qaýipsiz aýmaqqa kóshirildi, dep naqtylady qutqarýshylar.
Órtti sóndirýge QR TJM Qyzylorda oblysy boıynsha TJD órtke qarsy qyzmetiniń 35 adamy men 5 tehnıkasy jumyldyryldy.
