Qyzylordada modýldi ınfektsııalyq aýrýhana sáýirde paıdalanýǵa beriledi
QYZYLORDA. QazAqparat - Qyzylorda oblysynda modýldi juqpaly aýrýhana sáýir aıynda paıdalanýǵa beriledi, dep habarlaıdy QazAqparat tilshisi.
Emdeý orny 200 adamǵa arnalǵan. Aýrýhananyń qurylysy ótken jyly aıaqtalǵan bolatyn. Búginde qural-jabdyqtary ornatylýda. Aýrýhana sáýir aıynda paıdalanýǵa beriledi dep kútilýde.
Qazir oblys epıdahýaldy baǵalaý boıynsha «jasyl» aımaqta ornalasqan. Eger jaǵdaı kúrdelense, qosymsha 3200 tósek-oryn men 3500 medıtsına qyzmetkerinen rezerv daıyndalǵan. Óńirde eki aıǵa jetetin dári-dármek qory bar. Oǵan bıýdjetten 488 mln teńge qarjy bólindi.
Oblysta toǵyz PTsR-apparaty jumys jasaýda. Turǵyndardan táýligine 1000-1500 synama alynýda. Jalpy, oblysta medıtsınalyq uıymdar qajetti jabdyqtarmen tolyq qamtyldy. Kópbeıindi oblystyq jáne Qazaly aýdanaralyq aýrýhanalarynda ottegi stansalary iske qosyldy.
Ótken táýlikte oblysta 6 azamattan koronavırýs ınfektsııasy anyqtaldy. Tirkelgen naýqastardyń 5-eýi Qyzylorda qalasynyń, 1-eýi Jańaqorǵan aýdanynyń turǵyny. Sońǵy táýlikte 5 adam indetten emdelip shyqty. Pandemııa kezeńinde koronavırýstan barlyǵy 3605 naýqas aıyqty.
Eske sala keteıik, Qyzylordada alǵashqy medıtsınalyq kómek kórsetetin 62 nysan jańartylady.
