Qyzylordada mobıldi toptar qyzmeti tıimdiligin kórsetti
QYZYLORDA. QazAqparat - Qyzylorda oblysynda emhanalar janynan qurylǵan 161 mobıldi toptyń qyzmeti tıimdiligin kórsetti, dep habarlaıdy QazAqparat tilshisi.
«Mobıldi top naýqastarǵa ambýlatorly jaǵdaıda medıtsınalyq kómektiń qoljetimdigin qamtamasyz etý maqsatynda qolǵa alynǵan. Sondaı-aq, olar dınamıkalyq baqylaýdy qajet etetin naýqastardy úı jaǵdaıynda qadaǵalaıdy. Sol baǵytta arnaıy toptar uıymdastyryldy. Olardyń 33-i qalada, 28-i aýdan ortalyqtarynda bolsa, 100-i eldi mekenderde halyqqa qyzmet kórsetýde. Mobıldi top quramynda 1 dáriger, 1 orta býyn qyzmetkeri jáne 1 júrgizýshi bar», - dep málim etti oblys ákimdiginen.
Odan bólek, 13 shildeden bastap pnevmonııa dıagnozy qoıylyp, ambýlatorly emdi qajet etetin naýqastarǵa «Úı jaǵdaıyndaǵy statsıonar» qyzmeti qosyldy.
Búgingi tańda atalǵan qyzmet Qyzylorda qalasyndaǵy №1, 6, «Senim», Aral, Qarmaqshy, Jańaqorǵan aýdandary jáne «Qazaly temirjol» emhanalarynda halyqty emdeý sharalaryn júrgizip keledi.
Aıta keterligi, qala basshylyǵy oblys ortalyǵyndaǵy emdeý oryndarynda qurylǵan mobıldi toptarǵa qoldaý kórsetti. Olarǵa qosymsha kómek retinde ákimdikke qarasty mekemelerden barlyǵy 23 qyzmettik kólikti paıdalanýǵa berdi.
Sondaı-aq, Qyzylordada jedel járdem qyzmetine kelip túsken qońyraý sany 2 esege azaıdy.
