Qyzylordada mindetterine salǵyrt qaraǵan dárigerler sottaldy
QYZYLORDA. QazAqparat - Qyzylorda oblysynda Syrdarııa aýdandyq soty mindetterine salǵyrt qaraǵan dárigerlerge qatysty úkim shyǵardy, dep habarlaıdy QazAqparat.
Aýdandyq aýrýhananyń dárigeri men akýsheri bosanǵan jas ananyń densaýlyǵyn baqylaýǵa almaǵan. Nátıjesinde, ul balany dúnıege ákelgen Altynaı Tájimova kóz jumdy. Atalmysh fakti boıynsha qylmystyq is qozǵalyp, tergeý kezinde sol kúni jumys jasaǵan mamandar kásiptik mindetterin tıisti oryndamaǵandary anyqtaldy.
Sot úkimi boıynsha dárigerlerlerge 2 jylǵa bas bostandyqtarynan aıyrý jazasy taǵaıyndaldy. Sonymen qatar, olar medıtsına salasyndaǵy qyzmetpen aınalysý quqyǵynan 1 jyl merzimge aıyryldy.
«Sottalýshylardyń jasaǵan qylmystyq is-áreketteri onsha aýyr emes qylmystar sanatyna jatady. Sondaı-aq, olar buryn sottalmaǵan. Kámeletke tolmaǵan balalarynyń bolýy olardyń kinásin jeńildetedi. Osyǵan oraı, raqymshylyq zańy aıasynda dárigerler qylmystyq jaýapkershilikten bosatyldy», - dep málimdedi Qyzylorda oblystyq sotynyń baspasóz qyzmeti.
Aıta ketý kerek, kóz jumǵan Altynaı Tájimova medıtsına qyzmetkerleriniń kásibı meıramy kúni bosanǵan. Al, merekelik dastarhanǵa asyqqan aq halattylar qyzmetterine atústi qaraǵan.
Aınur Tóleshova
