Qyzylordada mindetin durys atqarmaǵan memlekettik qyzmetshiler belgili boldy

QYZYLORDA. QazAqparat - Qyzylorda oblysynda bıyl alǵashqy jartyjyldyqta memlekettik qyzmetter boıynsha ákimshilik quqyq buzýshylyqqa eń kóp jol bergen aýylsharýashylyǵy salasy bolyp shyqty, dep habarlaıdy QazAqparat tilshisi. 

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti osy baǵytta tıisti tekserý júrgizdi. Nátıjesinde ásirese aýylsharýashylyǵy salasynda ákimshilik quqyq buzýshylyq joǵary ekenin anyqtady.

«Maýsym aıynyń ózinde memlekettik qyzmet týraly zańnama talaptaryn buzǵany úshin 4 laýazymdy tulǵaǵa qatysty 6 ákimshilik hattama toltyrylyp otyr», - deıdi departamenttiń memlekettik qyzmet basqarmasynyń basshysy Ǵalym Іlkibaev.

Atap aıtqanda, Qarmaqshy aýdanyndaǵy aýmaqtyq ınspektsııa basshysynyń mindetin atqarýshy karantınge jatqyzylǵan ónimderdi Qazaqstan aýmaǵyna tasymaldaýǵa sertıfıkat bergen. Osyǵan baılanysty 33670 teńgege hattama toltyryldy. Al Jalaǵash aýdanynyń 3 veterınar dárigeri tıisti veterınarlyq anyqtamalardy berý merzimin jáne tártibin buzǵan. Olarǵa 151 myń teńge kóleminde aıyppul salyndy.