Qyzylordada merekege oraı ár ulttyń jastary kezdesti
QYZYLORDA. 1 mamyr. QazAqparat - Qyzylorda qalasynda Qazaqstan halqynyń birligi merekesine oraı joǵary jáne orta arnaýly oqý oryndarynda oqıtyn ózge ult ókilderi jastarymen kezdesý bolyp ótti.
Ony qalalyq ishki saıasat bólimi men «Samuryq» ınnovatsııalyq ıdeıalardy damytý ortalyǵy» qoǵamdyq qory uıymdastyrdy.
Kezdesý barysynda qala ákiminiń orynbasary Jasulan Shyntasov pen qalalyq ishki saıasat bóliminiń bastyǵy Aıdyn Qaırýllaev Elbasynyń tóraǵalyǵymen ótken Qazaqstan halqy Assambleıasynyń kezekti sessııasynda kóterilgen máselelerdi jetkizip, jastarǵa memleket tarapynan kórsetilip jatqan qoldaýlardyń jaıyn taratyp aıtyp ótti. Qazirgi tańda Qyzylorda qalasynyń joǵary jáne arnaýly orta oqý oryndarynda 19707 stýdent bilim alýda. Bulardyń 14167-si kúndizgi bólimde oqysa, 5540-y syrttaı bilim jetildirý ústinde. Al osy oqý oryndarynda 20-dan astam ózge etnostardyń 700-den asa jas býyn ókilderi dáris alady.
Kezdesý barysynda qala ákiminiń orynbasary oǵan qatysýshylardyń usynystary men pikirlerin tyńdady.
