Qyzylordada «Mercedes-Benz» markaly avtokólik órtenip ketti
QYZYLORDA. QazAqparat - Qyzylordada jol-kólik oqıǵasynan keıin «Mercedes-Benz» markaly avtokóligi órtenip ketti, dep habarlaıdy QazAqparat tilshisi.
Atalmysh jol-kólik oqıǵasy oblys ortalyǵyndaǵy Ybyraı Altynsarın jáne Amangeldi kósheleriniń qıylysynda bolǵan. Sol jerde «Lada Largus» markaly avtokóligi men «Mercedes-Benz» avtokóligi soqtyǵysyp qalǵan. Nátıjesinde «Mercedes-Benz» avtokóligi órtenip ketken. Zardap shekkender joq.
«Atalǵan jol-kólik oqıǵasy boıynsha «Lada Largus»» avtokóliginiń júrgizýshisine qatysty QR ákimshilik quqyq buzýshylyq týraly kodeksiniń 610- babynyń 1-bóligimen ákimshilik hattama rásimdeldi», - dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada jol-kólik oqıǵasynan mototsıkl júrgizýshisi kóz jumǵanyn habarlaǵan edik.
