Qyzylordada menıngokokty ınfektsııa juqtyrǵan jigittiń julyn suıyqtyǵy zerttelýde
QYZYLORDA. QazAqparat - Qyzylorda oblysynda menıngokokty ınfektsııa juqtyryp, qaza bolǵan jigitpen naýqaspen qarym-qatynasta bolǵandarǵa medıtsınalyq baqylaý áli júrgizilýde. Al, naýqastan alynǵan julyn suıyqtyǵy zerthanalyq zertteý ústinde, dep habarlaıdy QazAqparat tilshisi.
Bul jóninde Qyzylorda oblystyq qoǵamdyq densaýlyqty saqtaý departamentiniń basshysy Ulbosyn Ahanaeva málim etti. Sondaı-aq, búginde menıngokokk ınfektsııasymen syrqattanýshylyq tómendep keledi.
«Syr óńirinde menıngıtpen syrqattanýdyń aldyn alý máseleleri boıynsha «qaýyrt jeli» táýlik boıy jumys isteıdi. Oǵan árbir adam táýliktiń kez kelgen ýaqytynda qońyraý shalyp, menıngıtke qatysty týyndaǵan máseleler boıynsha ınfektsıonısttiń nemese epıdemıologtyń saýatty konsýltatsııasyn ala alady.
Júrgizilgen jumys qorytyndysy boıynsha Qyzylorda oblysynda jumys istep turǵan Call-ortalyqtary bazasyna 67 qońyraý túsken. Operatorlardyń aıtýynsha, qońyraýlardyń jartysynan kóbi kúndizgi ýaqytta tússe, túngi ýaqytta da ortalyqqa qońyraýlar belsendi túrde qabyldandy», - deıdi U.Ahanaeva.
Esterińizge sala ketsek, buǵan deıin oblysta menıngokokty ınfektsııa juqtyrǵan 1 jaǵdaı tirkeldi. Osy jyldyń 31 mamyrynda Jańaqorǵan aýdanynyń turǵynynan ınfektsııa anyqtalǵan bolatyn. 27 jastaǵy azamat aýdandyq aýrýhanaǵa jatqyzyldy. Alaıda, dárigerler naýqasty aman alyp qala almady, azamat 2 maýsymda aýdandyq aýrýhananyń jansaqtaý bóliminde kóz jumdy.
